A Cluster of Nyāya Flowers 2.2.31

Nyāyamañjarī 2.2.31

Language: Sanskrit

2.2.31

apare tu vadanti—dhvanaya eva sphoṭasya ca vyaṃjakāḥ . taiśca marudbhiḥ anavayava eva eṣa sphoṭo'bhivyajyamānaḥ tālvādisthānakaraṇasaṃyogopādhivaśopaplavamānanānākāragakārādibhāgayogīva pratibhāsate . marutāṃ caṃcalatvāduccāritapradhvaṃsinaste taṃ kālpanikākāramavabhāsayante . dṛṣṭaṃ copādhivaśādasatyamapi rūpamavabhāsamānam . yathā—kṛpāṇamaṇidarpaṇādivyaṃjakabhedena śyāmadīrghādirūpaṃ vadanasya . nādātmako hi śabdaḥ vīṇāveṇumṛdaṅgapaṭahādivyaṃjakarbhadena nānātvamupagacchan dṛśyate . tasmānna pāramārthikā eva te varṇāḥ, na ca sphoṭasya vyaṃjakā iti kva samasta vyastavikalpāḥ prabhaveyuḥ ..

Previous: 2.2.30
Next: 2.2.32
Up: 2.2

Commentaries (1)

Nyāyamañjarīgranthibhaṅga — Cakradhara, Sanskrit