A Cluster of Nyāya Flowers 2.2.441
Nyāyamañjarī 2.2.441
- Language
- Sanskrit
2.2.441
atha yatra sthālyādau karmāśritaṃ taṇḍulādi tadadhikaraṇam; same deśe pacati iti na syāt, apsupacati iti syāt . kaṭe sthito bhuṅkte iti cāpabhraṃśo bhavet . karturhi tat adhikaraṇaṃ, na karmaṇaḥ . kartṛkarmaṇoḥ kriyāśrayayoḥ dhāraṇamadhikaraṇatvena kārakamiti cet, ubhayadhāratvaṃ na kaṭasya, na sthālyā iti dvayorapyadhikaraṇatā hīyeta . ekaikādhāratve tu tallakṣaṇe parasparāpekṣayā punastatsvarūpasāṃkaryaṃ bhavet . yadi tu sakalakārakādhāratvaṃ adhikaraṇalakṣṇaṃ, sthālyāṃ odanaṃ pacati iti na syāt, sakalakārakānadhikaraṇatvāt . sthālyā adhikaraṇasya cākārakatvaprasaktiḥ . na hyadhikaraṇamadhikaraṇāśritaṃ bhavati . madhyāhne snāti, rātrāvaśnāti, pūrvasyāṃ diśi viharati iti kālādīnāmavyāpāratvāt akārakatvameva bhavet . tathā ca sati ete prayogā asādhavaḥ syuḥ ..