A Cluster of Nyāya Flowers 2.2.472
Nyāyamañjarī 2.2.472
- Language
- Sanskrit
2.2.472
āha—viśeṣe tarhi pramāṇaṃ vaktavyaṃ—yadete gāvyādayaḥ pramādādyaparādhanibandhanā eva, na gavādiśabdasamānavidhaya iti—ucyate . bhavatu, siddhaṃ nassamīhitaṃ—saṃśayadaśāṃ tāvadānīto'yaṃ anādigāvyādiśabdavācī mahāpuruṣaḥ saṃbodhyate 'bho mahātman ! itthaṃ pūrvoktanītyā saṃśaye sati, cintyatām ! kimete gāvyādayo gavādisamānayogakṣemā eva hastaḥ karaḥ pāṇiritivat bhavantu . kiṃvā'parādhasaṃbhāvanayā mārgāntaramālāmbantāmiti ..