A Cluster of Nyāya Flowers 2.3.214
Nyāyamañjarī 2.3.214
- Language
- Sanskrit
2.3.214
ato yadyapi kāryahetau dhūmāgnyoriva, svabhāvahetāvapi vā kvacit vṛkṣatvarśiśapātvayoriva pūrvamiha sādhyasādhanadharmayorgrahaṇaṃ dharmmantare na vṛttam—tathāpi sādhyadharmiṇyeva vyāptigrahaṇamupapatsyate, vipakṣavyāvṛtteḥ supariniścitatvāt . saiva ca vipakṣādvyāvṛttiḥ . sa eva cāsya hetoḥ svasādhyenānvayaḥ . na hyevaṃ sambhavati, nityebhyaśca vyāvṛttaṃ sattvaṃ, kṣaṇikeṣu ca na niviṣṭamiti; tṛtīyarāśyabhāvāt . nirāśrayatvānupapatteśca ..