A Cluster of Nyāya Flowers 2.3.490
Nyāyamañjarī 2.3.490
- Language
- Sanskrit
2.3.490
yadi tu manovadekadeśavṛtteraṇuparimāṇasyāśu saṃcarataḥ śarīrādhiṣṭhātṛtvamātmanaḥ kathyate—tathāpi sahasaiva ciraproṣitāgatadayitajanadarśanodbha tasakalaśarīravyāpisvedaromāṃcādidarśanaṃ virudhyate . na ca dvayoraṇvorātmamanasoḥ kartṛkaraṇavyavasthā'pi nirvahatīti . tasmānnāṇurātmā, na ca śarīramātraparimāṇa iti vyāpaka evāvaśiṣyate . tadevaṃ vārāṇasyāmapi ayamātmā vidyata eveti tatra tatkāryadarśanamavakalpate, nānyena gamanādiprakāreṇeti ..