A Cluster of Nyāya Flowers 2.4.156
Nyāyamañjarī 2.4.156
- Language
- Sanskrit
2.4.156
evaṃ mahādivikāravatī prakṛtirātmano bhogaṃ sādhayati . kaścāsya bhogaḥ ? buddhivṛttyanupātitvam . viṣayākārapariṇatendriyavṛttyanuraktāṃ buddhivṛtiṃ jñānātmikāṃ puruṣaḥ paśyati . darśane'pi na tasya kiṃcidanyatvam . tadeva darśanaṃ—yat tatra pratibimbanamiti . itthaṃ tayoḥ buddhipuṃsoḥ saṃyoge sati puruṣadharmaścetayitṛtvalakṣaṇaḥ buddhāvasannapi sanniva lakṣyate . buddhidharmaśca kartṛtvādiḥ ātmani sākṣisthānīye'sannapi sanniva vibhāvyate . tadāha—