A Cluster of Nyāya Flowers 2.4.177
Nyāyamañjarī 2.4.177
- Language
- Sanskrit
2.4.177
yaccedamucyate—budhyādhyavasitamarthaṃ puruṣaḥ paśyatīti—tadvyākhyeyam—kimidaṃ tasya draṣṭṛtvamiti . pratibimbanamiti cet; kiṃ svacche puṃsi vṛttimatī buddhiḥ saṃkrāmati, uta vṛttimatyāṃ buddhau pumāniti . tatra citiśaktirapariṇāminī apratisaṃkrameti na buddhau puruṣasya saṃkramaṇam . buddhau tu puṃsi saṃkrāntāyāmapi puṃsaḥ kiṃ vṛttam, yena draṣṭā saṃpannaḥ ..