A Cluster of Nyāya Flowers 2.4.26
Nyāyamañjarī 2.4.26
- Language
- Sanskrit
2.4.26
tadatra kiṃ tattvam ? pārthivamevāsmadādiśarīramiti, vijātīyakāryasyāvayavino'nupapatteḥ . pārthivāvayavasamavetaśarīrāvayavigrāhiṇastvabhedapratyayasya tṛṇaparṇapāṣāṇamūlakādyabhedapratyayavat apavādāsaṃbhavāt . na vayamiha bhūtāntarāṇāṃ kāraṇabhāvaniṣedhaṃ śikṣmaḥ . kevalapārthivatayā nirvivāde'pi kumbhādāvambhaḥprabhṛtīnāṃ kāraṇatvānapāyāt . tadvyatirekeṇa ghaṭāderghaṭayitumaśakyatvāt ..