A Cluster of Nyāya Flowers 2.4.4

Nyāyamañjarī 2.4.4

Language: Sanskrit

2.4.4

tatra śarīratvameva tāvat prathamaṃ śarīrasya lakṣaṇam . tena hi samānāsamānajātīyakebhyaḥ tadvyavacchidyate . tasmin satyapi ceṣṭendriyārthāśrayatvaṃ yadasya lakṣaṇamucyate, tat tena rūpeṇātmano bhogāyatanaṃ śarīramiti jñāpayitum . ceṣṭendriyārthāśrayatayā hi śarīramātmano bhogasādhanaṃ bhavati . mumukṣuṇā ca sukhaduḥkhopabhogarahitātmatattvasvabhāvaniḥśreyasādhigamavinihitamanasā tathā bhogādhiṣṭhānatvena śarīraṃ bhāvayatā tatpariharaṇe yatnaḥ kārya iti ācāryaḥ ceṣṭendriyārthāśrayatvamasya lakṣaṇamuktavān ..

Previous: 2.4.3
Next: 2.4.5
Up: 2.4

Commentaries (1)

Nyāyamañjarīgranthibhaṅga — Cakradhara, Sanskrit