A Cluster of Nyāya Flowers 2.4.73
Nyāyamañjarī 2.4.73
- Language
- Sanskrit
2.4.73
nanu ! pakṣadvaye'pi prāpyakāritvopapatteḥ ko'yaṃ bhotikatvaṃ pratyabhiniveśātiśayo bhavatāmiti—ucyate—ekaprakṛtikatve hīndriyāṇāṃ ekameva sarvaviṣayaprakāśanakuśalamindriyaṃ bhavet, sarvāṇi vā sarvaviṣayagrāhīṇi bhaveyuḥ, kāraṇasyāviśeṣāt . kāraṇaniyamādhīno hi kāryaniyamaḥ . ahaṅkārākhyaṃ ca kāraṇaṃ sakalaviṣayaprakāśanaśaktiyuktam . indriyāṇyapi tathā bhaveyuḥ . ekaviṣayaprakāśanaśaktiyukte tasmin kathamindriyāntarāṇi viṣayāntaragrāhīṇi bhaveyuḥ ? bhotikatve tu bhūtānāṃ bhedāt niyataguṇotkarṣayogitvāt niyataviṣayagrāhīndriyaprakṛtitvam ..