A Cluster of Nyāya Flowers 2.5.27
Nyāyamañjarī 2.5.27
- Language
- Sanskrit
2.5.27
atha kāryaṃ sukhajñānam, hetustasya vicintanīyaḥ—yata utpadyata iti . dharmāccet, so'pi kiṃprabhava iti vācyam . yogasamādhija iti cet, tasya svakāryatvāt svakāryasukhasaṃvedanāvasānatvānna śāśvatikatvaṃ syāt . aprakṣayaśca dharmasya niranumānakaḥ . na hi yogasamādhijo dharmaḥ na kṣīyata ityatra ca kiṃcidanumānamasti . viparyaye tu prasiddhamanumānam, sarvasya kṛtakasyānityatvadarśanāditi . kṣīṇe ca dharme tatkāryajñānābhāvāt sadapi sukhamanupalabhyamānaṃ asato na viśiṣyate ..