A Cluster of Nyāya Flowers 2.5.38
Nyāyamañjarī 2.5.38
- Language
- Sanskrit
2.5.38
na ca sarvātmanā sādhūnāmanabhimata eva tathāvidho mokṣaḥ . na catadavāptaye na prayatante . te hyevaṃ vivecayanti . duḥkhasaṃsparśaśūnyaśāśvatika sukhasaṃbhogāsaṃbhavāt, duḥkhasya cāvaśyaṃ hātavyatvāt, vivekahānasya cāśakyatvāt, viṣamadhunī ivaikapātre patite ubhe api sukhaduḥkhe tyajyetāmiti . ataśca saṃsārānmokṣaḥ śreyān, yatrāyamiyānatidussaho duḥkhaprabandho'valupyate, varamiyatī kādācitkī sukhakaṇikā tyaktā, na tasyāḥ kṛte duḥkhabhāra iyānūḍha iti . tasmānna sukhopabhogātmako mokṣa iti ..