A Cluster of Nyāya Flowers 2.5.69
Nyāyamañjarī 2.5.69
- Language
- Sanskrit
2.5.69
ṛṇānubandhastāvat—jāyamāno ha vai brāhmaṇaḥ tribhirṛṇairṛṇavā . brahmacaryeṇa ṛṣibhyaḥ yajñena devebhyaḥ prajayā pitṛbhyaḥ itīdaṃ hi vede paṭhyate . tatra prathamaṃ ṛṣīṇāmanṛṇaḥ syām iti brahmacaryamācarati . tataḥ pitṛṇāmanṛṇaḥ syām iti kṛtadārasaṅgrahaḥ prajotpādanāya vyavaharati . tadanu gṛhastha eva darśapūrṇamāsādiṣu sahasrasaṃvatsaraparyanteṣu karmasvadhikṛtaḥ kratūnanutiṣṭhatīti devānāmanṛṇaḥ syām iti . ko'sya mokṣavyavasāyāvasaraḥ ?