A Cluster of Nyāya Flowers 2.6.169
Nyāyamañjarī 2.6.169
- Language
- Sanskrit
2.6.169
nanu ! atrāpi kimanitya eva śabdaḥ, ityavadhāraṇam, uta śabda evānitya iti . tatra anitya eva śabda ityukte, tadgatadharmāntaratiraskārāt, kṛtakatvamapi tatra na bhavedityasiddho hetuḥ . śabda evānityaḥ iti tvavadhāryamāṇe ghaṭādāvanityatvapratiṣedhādanvayaśūnyatā hetoḥ syāditi —naiṣa doṣaḥ—niravadhāraṇasyāpi vacanaprayogasya darśitatvāt . anitya eva śabda ityavadhāraṇe vā nānityatvavyatiriktatadaviruddhakṛtakatvādyaśeṣa dharmāntaraniṣedhastatra vidhīyate . kintu, tadviruddhanityatvamātraniṣedha eva —anitya eva śabdaḥ, na nitya ityarthaḥ . taduktam ślo. vā. anu-55—