A Cluster of Nyāya Flowers 2.6.7
Nyāyamañjarī 2.6.7
- Language
- Sanskrit
2.6.7
tathā hi—viruddhaviśeṣāvamarśasvabhāvastāvatsaṃśayaḥ . na ca viruddhaviśeṣāṇāṃ puro'vasthite dharmiṇi sannihitānām avamarśanam, viruddha tayaivaikatra sannidhānābhāvāt . ataḥ smṛtyupārūḍhānām avamarśanam . smṛtiśca nākasmādudbhavatīti yatsahacaritānāṃ teṣāṃ viśeṣāṇāṃ pūrvaṃ paryāyeṇa grahaṇaṃ vṛttam, taddarśanasaṃskāraprabodhadvāreṇa smaraṇakāraṇamavaśyamevāśrayaṇīyam . tattu anugataṃ vā bhavatu, vyāvṛttaṃ vā, vipratipattyātmakaṃ vā, āntaram upalabdhyanupalabdhyavyavasthārūpaṃ vetyevamākṣiptasāmānyavācini samānaśabde paṃcasādhāraṇarūpāvagamāt sāmānyalakṣaṇārthatā ..