A Cluster of Nyāya Flowers 2.6.94
Nyāyamañjarī 2.6.94
- Language
- Sanskrit
2.6.94
laukikaparīkṣakau vādiprativādinau dṛṣṭāntalakṣaṇaprastāvādveditavyau . na tu mūrkhapaṇḍitau, prakṛtāsaṅgateḥ . tayośca saṅgatyabhāvāt . tayośca yasminnarthe—bhāvasvabhāve abhāvātmake vā buddhisāmyaṃ—prayojyaprayojakabhāvavyavasthitasādhyasādhanadharmādhikaraṇatve—sādhyavyāvṛttipūrvakasādhanadharmavyāvṛttatāyāṃ vā tulyarūpā buddhiḥ sa dṛṣṭāntaḥ . tasya tathāvidhadharmādhāratvaṃ tadrahitatvaṃ vā vakṣyamāṇādudāharaṇalakṣaṇānmantavyam ..