A Cluster of Nyāya Flowers 2.7.101

Nyāyamañjarī 2.7.101

Language: Sanskrit

2.7.101

nanu ! ṣaṭprakāraḥ parairanaikāntika iṣyate . sapakṣaikadeśavṛttiḥ vipakṣa vyāpī, vipakṣaikadeśavṛttiḥ sapakṣavyāpī, ubhayapakṣaikadeśavṛttiḥ, ubhayapakṣavyāpīti sādhāraṇaḥ catuṣprakāraḥ . asādhāraṇaḥ viruddhāvyabhicārī ceti . sa kathamiha na nirdiśyate—ucyate—sapakṣavyāptyādibhedadarśanaṃ tāvat aprayojanakam, aśakyaṃ ca; hetvābhāsānāmavāntarabhedānantyāt . vipakṣādvyāvṛttiryasya nāsti, sa savyabhicāraḥ—ityanyatamaheturūparahitatvamanaikāntikalakṣaṇamiha vivakṣitam . taccoktameva . kimavāntarabhedaparigaṇanena ..

Previous: 2.7.100
Next: 2.7.102
Up: 2.7

Commentaries (1)

Nyāyamañjarīgranthibhaṅga — Cakradhara, Sanskrit