A Cluster of Nyāya Flowers 2.7.182
Nyāyamañjarī 2.7.182
- Language
- Sanskrit
2.7.182
na ca vādihṛdayaparikalpanopārūḍhasthitirapi pakṣo nāma nāsti . tadabhāve kimapekṣaḥ sapakṣavipakṣavyavahāraḥ . buddhyārūḍhatvapakṣe'pi na sapakṣa vipakṣayoḥ pakṣatvam . na ca vastūnāmubhayātmakatā bhavet . kintu kaṃcikālamatyatarāsiddhivat vimatipathāpatitasya vastunaḥ—pakṣatvamupeyate . nirṇayajanmā tu vimativiratau nūnamanyataravargapatito'sau bhaviṣyatīti sarvathā na tasyāṃ daśāyāṃ tenānaikāntikatvodbhāvanaṃ yuktam ..