A Cluster of Nyāya Flowers 2.7.184
Nyāyamañjarī 2.7.184
- Language
- Sanskrit
2.7.184
alamanayā ḍimbhabibhīṣikayā . na hi sakalasapakṣavipakṣasākṣātkaraṇakāraṇakekollekhapurassaraṃ vyaptigrahaṇamiti pūrvameva nirṇoto'yamarthaḥ . na catadvarjamiti vyāptigrahaṇaṃ bhavati, yena ṣaṇḍhasutasāmyacodanāvakāśaḥ syāt . sāmānyena hi vyāptirgṛhyamāṇā tatrāpi gṛhītā bhavatyeva . tenāpi ca kālāntare sapakṣavipakṣānyataravargānupraveśinā bhavitavyameva . vimatyavasthāyāṃ tu pṛthageva tābhyāmasāviti na tatra vartamāno heturanaikāntiko bhavati ..