A Cluster of Nyāya Flowers 2.7.186
Nyāyamañjarī 2.7.186
- Language
- Sanskrit
2.7.186
nanu ! evamapi paramāṇuprasādhanānumānamahimahataśaktitayā mūrtatvamanityatvasiddhāvakṣamaṃ jātamiti tataśca kālātyayāpadiṣṭatvāt nānyathāsiddhatāmadhigacchet—naitadevam—kālātyayāpadiṣṭo hi pratyakṣāgamāpahṛtaviṣaya ucyate, anuṣṇaḥ kṛṣṇadartmā madirā dvijaiḥ pātavyā ityādau . darśitaḥ yatpunaranunumānaṃ pratyakṣāgamaviruddhaṃ nyāyābhāsaḥ saḥ nyābhā-1-1-1 iti . na ca paramāṇuṣu paramāṇutayaiva satataparokṣeṣu pratyakṣamanityatāviparyayagrāhi pravartituṃ śaktam . āgamastu nāstyeveti kutaḥ kālātyayāpadiṣṭatā ..