A Cluster of Nyāya Flowers 2.7.51
Nyāyamañjarī 2.7.51
- Language
- Sanskrit
2.7.51
yastu śāstrata eva kvacidviṣayanirṇayaḥ, sa vimarśavarjamutpadyate . vāde'pi vimarśarahito bhavati nirṇayaḥ . ubhau niścitau vādaṃ kurutaḥ, saṃdigdhasya tatrānadhikārāt . kathaṃ tarhyeṣa pravādaḥ saṃśayacchedo vādasya phalam iti ? prathamamubhayorapi niścitayorvādapravṛttau antarāle balādāpatati yuktidvayopanipātakṛtaḥ saṃśaya iti vastunirṇayāvasānatvādvādasya saṃśayacchedaphalatvamācakṣate ..