A Cluster of Nyāya Flowers 2.8.129
Nyāyamañjarī 2.8.129
- Language
- Sanskrit
2.8.129
jñānavikalpāḥ—pratītiprakārāḥ . teṣāṃ bhāvābhāvau pratiprāṇisaṃvedyau bhavataḥ . asti me jñānam ityevaṃ sarvaḥ pratyakṣānumānāgamajñānāni pramāṇaphalāni smaraṇasaṃśayādijñānāni ca pramāṇaphalānyanubhavatīti . sā ceyamāvaraṇānupalabdhiḥ upalabdhivadadhyātmaṃ saṃvedyate, nopalabhe śabdasyāvaraṇaṃ, mṛdamiva mūlodakādeḥ iti . tadevaṃ bāhyapadārthabhāvābhāvavat ānta rajñānabhāvābhāvayorapi pratyakṣatvādaparyanuyogo'yaṃ anupalabdheranupalambhādāvaraṇamasti śabdasya iti . tasmāt prāguccāraṇādasanneva śabda iti siddham ..