A Cluster of Nyāya Flowers 2.8.140
Nyāyamañjarī 2.8.140
- Language
- Sanskrit
2.8.140
anityavākhyasādhyadharmasvarūpavikalpanena śabdanityavāpādanaṃ nityasamaḥ pratiṣedhaḥ . anityaḥ śabdaḥ iti pratijñāte hi jātivādī vikalpayati—kimidamanityatvaṃ śabdasya nityam, athānityam iti . yadi tāvadanityam, tatha kadācit pracyaveta . tatpracyuteḥ nityaḥ śabdaḥ . atha nityamanityatvam 'tarhi dharmasya nityatvāt, tasya ca nirādhārasyānupapatteḥ tadāśrayasya śabdasyāpi nityatvam . anityatve hi, śabde vināṣṭe tadādhāro dharmaḥ kva varteteti ..