A Cluster of Nyāya Flowers 2.8.171
Nyāyamañjarī 2.8.171
- Language
- Sanskrit
2.8.171
nanu ! asaduttarakathane'pi kathaṃ ṣaṭpakṣyāmeva virāmaḥ ? śatapakṣī sahasrapakṣī vā kathaṃ na pravartate ? ko'tra niyamaḥ ? iti cet—ucyate— iyatyeva nivartate vacanāvakāśa iti nānantapakṣatā saṃbhavati . tathā hi— pūrvottarapakṣavādinau tāvat sādhanadūṣaṇavādinau bhavata eva, ko'tra vicāraḥ . tatra sthāpanāhetuvādinā tāvat prathamaṃ svapakṣasādhane'bhihite, dūṣaṇavādinā ca tatra dūṣaṇe varṇite, tṛtīye vacasi vartamānaḥ sādhanavādī samyaṅnītyopakramamāṇaḥ taddūṣaṇamuddhartuṃ śaknuyānna veti tasyāmeva daśāyāṃ prāṅvivākāyatto nirṇayaḥ ..