A Cluster of Nyāya Flowers 2.8.217
Nyāyamañjarī 2.8.217
- Language
- Sanskrit
2.8.217
na cāyamunmattapralāpa eva, prastutānuguṇyabuddhyā prayogāt . api ca anityaḥ śabdaḥ, cākṣuṣatvāt ityubhayāsiddho nāma hetvābhāsaḥ bhavadbhirapi śāstre lakṣita eva . sa unmattapralāpo na bhavati ! yathodāhṛtam tat pratijñāntaramunmattapralāpa ityapūrva eṣa bhikṣoḥ svadarśane rāgaḥ, paradarśane dveṣo vā . ko hi nāma śiśurapi śabde cākṣuṣatāṃ brūyāt . idaṃ tu saṃbhavatyevābhidhānam . kevalaṃ hetuviśeṣaṇe siddhe ca vaktavye bhramāt dharmiviśeṣaṇaṃ sādhyaṃ cāyamuktavāniti nigṛhyate ..