A Cluster of Nyāya Flowers 2.8.278

Nyāyamañjarī 2.8.278

Language: Sanskrit

2.8.278

yattu asaṃbaddhavākyaṃ, asaṃbaddhaprakaraṇaṃ ca pṛthagupasaṃkhyeyamiti—tanna— apratisaṃbaddhapadārthenaiva tatsaṃgrahāt . yadi tvasaṃbaddhavākyamasaṃbaddhaprakaraṇaṃ cāvaśyaṃ vaktavyam, tadyuktameva bhavadīyaṃ śāstram . tathā hi vaibhāṣikāṇāmasti bāhyo'rthaḥ, sa ca pratyakṣaḥ . sautrāntikānāṃ ca sannapya sāvanumeyaḥ . yogācārāṇāṃ sākāraṃ jñānameva, na bāhyo'rthaḥ, sa ca pratyakṣaḥ . mādhyamikānāṃ ākāraśūnyaṃ svacchaṃ jñānamātrameva—ityevamitaretarānanvitavākyaprakaraṇamidamaśeṣameva śākyaśāstram . āha ca—

Previous: 2.8.277
Next: 2.8.279
Up: 2.8

Commentaries (1)

Nyāyamañjarīgranthibhaṅga — Cakradhara, Sanskrit