A Cluster of Nyāya Flowers 2.8.286

Nyāyamañjarī 2.8.286

Language: Sanskrit

2.8.286

atrāha—pratijñādyavayavajātamasādhanāṅgavacanamityataḥ tadanabhidadhato na nigrahaḥ; pratyuta vadato nigraho yukta iti—atrocyate—anantaramevai tatparihṛtam, vistarataścāvayavalakṣaṇe . tathā hi—śroturākāṅkṣānivṛttaye'numānavākyaṃ prayujyata iti prathamaṃ tadākāṅkṣāviṣayaḥ sādhyadharmaviśiṣṭo dharmī pradarśyate . tataḥ kāraṇākāṅkṣāyāṃ hetuvacanamabhidhīyate . kvāsya pratibandho dṛṣṭa iti bubhutsāyāṃ udāharaṇamupapādyate . itthameṣa siddhapratibandho hetuḥ dharmiṇi bhavet, na veti śaṅkāyāmupanayavacanamuccāryate . tadanantaraṃ sarvāvayavānāmekatropasaṃhārāya nigamanaṃ prayujyata ityanyatamasyāprayogāt nigrahārhatā bhavatyevetyalamatraiva vastuni pade pave kalahaprastāvaneneti ..

Previous: 2.8.285
Next: 2.8.287
Up: 2.8

Commentaries (1)

Nyāyamañjarīgranthibhaṅga — Cakradhara, Sanskrit