Nyayasutra 1.42

1.42

pratiṣedhaṃ dvitīyapakṣaṃ sadoṣaṃ svīkṛtya tadvipratiṣedhe samapratiṣedhe tṛtīyapakṣatulyasya doṣasya prasaṅgastvatkṛto'yaṃ matānujñeti sūtrārthaḥ |
nanu pañcamapakṣasya matānujñodbhāvanatayā saduttaratvena ṣaṭpakṣībahirbhāvaḥ syāt | na ca ṣaṣṭhena pañcamasya matānujñodbhāvanādasamīcīnatvaṃ | matānujñāyāṃ matānujñodbhāvanasyāparyanuyojyatvāt | tasmāt pratiṣedhaṃ tṛtīyaṃ pakṣaṃ sadoṣamabhyupetya tasya pratiṣedhasya vipratiṣedhe caturthe pakṣe samāno doṣaprasaṅga iti matānujñodbhāvanarūpaḥ pañcamaḥ pakṣa iti sūtrārthaḥ | aniṣṭabhrameṇeṣṭāpādanāt |
matānujñāgrahaṇantu dvitīyottarapakṣāṇāṃ tathātvakhyāpanenāsaduttaratvakhyāpanāyeti kecit |
paroktaṃ doṣamanuddhṛtya samānadoṣaprasaṅgarūpasya pañcamapakṣasya matānujñātatveneva dṛṣṭatvānnaivam | na ca samānamapi, etanmatānujñatvasyottarasūtreṇaiva pradarśanāt | duṣṭatvakhyāpanaṃ ṣaṭpakṣīmadhyapātādevetyanye |