Commentary on the Nyāyasūtra 1.39.p2
Nyāyabhāṣya (complete text) 1.39.p2
- Language
- Sanskrit
1.39.p2
nigamyante aneneti pratijñāhetūdāharaṇopanayā ekatreti nigamanam| nigamyante samarthyante saṃbadhyante| tatra sādharmyokte tāvadvetau vākyam, anityaḥ śabda iti pratijñā| utpattidharmakatvāditi hetuḥ| utpattidharmakaṃ sthālyādi dravyamanityamityudāharaṇam| tathā cotpattidharmakaḥ śabda ityupanayaḥ| tasmādutpattidharmakatvādanityaḥ śabda iti nigamanam| vaidharmyokte'pi, anityaḥ śabdaḥ| utpattidharmakatvāt, anatpattidharmakamātmādi dravyaṃ nityaṃ dṛṣṭam| na ca tathā'nutpattidharmakaḥ śabdaḥ| kiṃ tarhi? utpattidharmakaḥ| tasmādutpattidharmakatvādanityaḥ śabda iti||