Commentary on the Nyāyasūtra 11.2.p30
Nyāyabhāṣya (complete text) 11.2.p30
- Language
- Sanskrit
11.2.p30
vyavacchedo nāsyāmidheya ityata āha--prayojanamiti samānajātīyamanumānādi pramāṇatvena, apratyakṣeṇa tu tadapi vijātīyameva| ato nāsādhāraṇyaṃ lakṣaṇasya| viśeṣakatvaṃ lakṣaṇadharmaḥ| tatprayojanamityasaṃgatam| ataḥ kārakāt phalabhūtāṃ kriyāṃ niṣkṛṣya darśayati--viśeṣakatvaṃ viśeṣa iti| vipakṣavyāvṛttapratyakṣapratipādanam ityarthaḥ| kaḥ punaranena lakṣaṇena pratipādayiṣyata ityata āha--yaḥ khalviti| na ca sarve vyāmūḍhāḥ, yena pratipādyapratipādakavyavasthā na syāt| na ca sarvatra vyāmoho yenānavasthā syāt, na ca sarve vyāmohahetavo yenāpratipattiḥ syāt| na ca sarvāpratipattiḥ, yenāśrayāsiddhiḥ syāditi bhāvaḥ||