Commentary on the Nyāyasūtra 21.3.p114
Nyāyabhāṣya (complete text) 21.3.p114
- Language
- Sanskrit
21.3.p114
paramāṇusvabhāvaḥ| tatsvabhāvatve vā teṣāṃ sarvān pratyaviśeṣāt sarvaireva te paramāṇavo viditāḥ syuḥ| na cāsaṃbaddhā eva svajñānena rūpaparamāṇavo viṣayāstasyeti vācyam, asaṃbaddhasya viṣayatve'tiprasaḍgāt| svabhāva evārthajñānabhedayoḥ saṃbandho yadartho viṣayo jñānaṃ ca viṣayīti cet? hantopādhyupādhimatorapi svabhāva eva saṃbandho'stu tathāpi vijñānārthavanna svarūpābhedaḥ| kṣaṇabhaṅgapariṇāmanirākaraṇe tu svabhāvātiriktaṃ saṃbandhamupapādayiṣyāmaḥ| tasmāt naikopādhyanvitagrahaṇe sakalopādhyanvitapratyayaprasaṅgaḥ||