Andhakaravada 3.p168
Andhakāravāda 3.p168
- Language
- Sanskrit
3.p168
māyeti ukteḥ purāṇe ityanena vākyena “ṛte'rthaṃ yat pratīyeta” ityādi bhāgavatavākyam upasthāpyate. tatra māyāpariṇāmatvaṃ tamasaḥ uktam “tadvidyād ādātmano māyā yathābhāso yathā tamaḥ”. nanu tatra śloke māyāsvarūpe ucyamāne “yathābhāsaḥ yathā tamaḥ” iti dṛṣṭāntamukhena tamasaḥ upasthāpanaṃ natu sākṣāt māyākāryatvaṃ tasya pratipāditam, sādṛśyamātraṃ tu pradarśitam. tamovad māyā ābhāsatulyā māyā iti cet, na, dṛṣṭāntadārṣṭāntayoḥ tulyatvāt ābhāsatamasoḥ prasiddhatvāt māyākāryatvaṃ niścīyate. yadi māyākāryatvaṃ tatra na syāt tarhi na dṛṣṭāntatvena upādīyete. arthaṃ vinā pratīyamānāyāḥ ātmani dṛṣṭe apratīyamānāyāḥ sadasadātmikāyāḥ māyāyāḥ prasiddhatvād tamodṛṣṭāntatā na virudhyate.