Andhakaravada 3.p244
Andhakāravāda 3.p244
- Language
- Sanskrit
3.p244
sarvāṇyapi khalu etāni buddhavacanāni śrutismṛtyādivacanaiḥ saha ekārthībhāvāpannānīti ubhayorapi, buddhavacana-śrutyādivacana-rūpayoḥ, samameva prāmāṇyaṃ na kiṃ prasthāpayanti ? atha yadi sugataśrutyādivacanaprāmāṇyavādinoḥ madhye kasyacana puruṣasya ekatarasminneva śrutismṛtyādyukte vā sugatokte vā prāmāṇye bharaḥ, tadātu ekatarasya aparasaṃvāditve'pi śrutivacanasya vā buddhavacanasya vāpi kenacid aparādhena aprāmāṇyam kalpanīyaṃ syād. tadātu taduttarakālajātānāṃ mūlavacanasaṃvādivyākhyānānāmapi aprāmāṇyaprasaktiḥ durvāraiva. tataśca sarvāṇi hi buddhavacanavyākhyānānyapi śrutivacanasūtrabhāṣyavyākhyārūpāṇāṃ vacanānāmiva aprāmāṇikānyeva bhaveyuḥ, nanu adhigatārthajñāpakatvādeva.