Andhakaravada 3.p245
Andhakāravāda 3.p245
- Language
- Sanskrit
3.p245
apica pratītyasamutpādadraṣṭā buddho vā śrutirāśīdraṣṭā ṛṣiḥ vāpi tattvasākṣātkārānantaraṃ nijānubhūtaṃ nijavacanaiḥ prakaṭayati iti abhyupagamyamāne tādṛśaḥ tattvasākṣātkārasāmarthyasya ekatarasmin sattve aparasmin asattve ca aṃgīkriyamāṇe tathāsvīkartuḥ svīye śraddhābhājanaeva śraddhātiśayarūpohi eko hetuḥ pratyupasthāpanīyaḥ syāt. tataśca yena puruṣena prāgeva buddhavacanenena etat tathyaṃ ced adhigataṃ tasya kṛte śrutivacanam apramāṇamapi bhaved iti yathā mantuṃ śakyate, tathaiva yena puruṣena śrutivacanameva prāk śrutaṃ tasya kṛte buddhavacanamapi nūnam itthameva apramāṇaṃ bhavedeva, samānayogakṣemāt.