Andhakaravada 3.p48

3.p48

“ 'sattvaṃ rajastamaiti nirguṇasya guṇāḥ trayaḥ sthitisarganirodheṣu gṛhītāḥ māyayā vibho.' yathā ūrṇanābhiḥ sṛṣṭyartham ekāṃ ūrṇāṃ ud‌vamate tathā bhagavānapi trividhasṛṣṭyarthaṃ trīn guṇān ud‌vamate... sadrūpeṇa nirgataṃ 'sattvam' iti ucyate. kevalacidrūpeṇa nirgataṃ, kriyāśaktipradhānatvāt sadānandābhāvāt ca 'rajaḥ' iti ucyate. ānandāṃśāt ca tamaḥ. te bhagavadrūpāeva bhagavatā sṛṣṭāḥ. naca bhagavati te pūrvasthitāḥ, tathā sati te bhagavadātmakāḥ na bhaveyuḥ. yathā kārpāse sūtram. tadeva hi paścāt svāvayavaiḥ paurvāparyam āpadyamānaṃ sūtratām āpadyate. ataeva bhagavān nirguṇaḥ. te guṇāḥ punaḥ sthitisarganirodheṣu utpattisthitilayārthaṃ gṛhītāḥ. teṣāmapi gṛhaṇaṃ māyayā. eṣā hi māyā jagatkartrī natu vyāmohikā, tad āha 'vibhoḥ' iti. samarthasya jagatkartuḥ iti arthaḥ. sāhi tacchaktiḥ sarvarūpabhagavatsambandhāt sarvapratikṛtirūpā. sā jagatkaraṇe karaṇarūpā. ataḥ karaṇāṃśasya tadīyatvāt karaṇarūpeṇaiva nirgatāḥ guṇāiti māyayaiva gṛhītāḥ" (bhāga.subo.2|5|18).