Bhaktimartanda p21
Bhaktimārtaṇḍa p21
- Language
- Sanskrit
p21
evaṃ vyāsasūtre'pi draṣṭavyam | tathāhi | māhātmyajñānārthaṃ samanvayādhyāye smṛtyarthanirṇayapūrvakaṃ yuktiśrutivipratiṣedhaparihārabāhyamatanirākaraṇavaidikapadārthakramasvarūpavicāraibhyaḥ pādadvayena virodhaṃ parihṛtya sādhanādhyāye'dhikārijanmabrahmabhāvāptiyogyatāvidhāraṇapūrvakaṃ viṣayāvadhāraṇaprakārabodhasaukāryārthaṃ guṇopasaṃhārānuktvā, caturthapāde, puruṣārtho'taḥ śabdāditi bādarāyaṇa ityanena sarvātmabhāvataḥ puruṣārtha ityuktavān kriyopasaṃhāraṃ ca | phalādhyāye punaḥ karmamārgatatphalapuṣṭimārgīyamaryādāmārgīyasadyomuktiprakārakramamuktinirgamanadvāraniḥsṛtabrahmaprāptimārgatalloka tatprāptiprakāraphalānubhavaprakārānuktavān bhagavān vyāsaḥ | tena sūtrāṇāmapi bhaktāveva tātparya niścayaḥ