Bhaktimartanda p23

p23

tatra yathākañcana śrotavya, uta sakaladharmaviśiṣṭa iti ? | tatra yathākathañcicchravaṇasya yataḥkutaścita sambhavādavidheyatvāpāta iti daśavidhalīlāsahito bhagavān śrotavyaḥ | tatra sakaladharmapraveśāt | tāśca, atra sargo visargaśca sthānaṃ poṣaṇamūtayaḥ manvantareśānukathā nirodho muktirāśraya iti | tathāca viṣayapratipādakatvena dvādaśaskandhānāmupayoga iti sarvamapi śrīmadbhāgavataṃ bhaktitātparyakam | yadvā, yasyāṃ vai śrūyamāṇāyāṃ kṛṣṇe paramapūruṣe oṃ bhaktirutpadyate puṃsāṃ śokamohabhayāpaheti bhāgavatasya bhaktyutpādakatvaśravaṇāt | samādhibhāṣāyāṃ ca, bhaktiyogena manasi samyakpraṇihite'male oṃ apaśyat puruṣaṃ pūrṇaṃ māyāṃ ca tadupāśrayām || yayā saṃmohito jīva ātmānaṃ triguṇātmakam| paro'pi manute'narthaṃ tatkṛtaṃ cābhipadyate || anarthopaśamaṃ sākṣādbhaktiyogamadhokṣaje | lokasyājānato vyāsaścakre sātvatasaṃhitāmiti bhakterevānarthopaśāmakatvadarśanāva | ekādaśe ca, bhagavaduddhavasaṃbāde bhaktisādhanānyuktvā prāyeṇa bhaktiyogena satsaṅgena vinoddhava oṃ nopāyo vidyate samyak prāyaṇaṃ hi satāmahmiti coktvā, sugopyamapi vakṣyāmīti pratijñāya dvādaśādhyāye, satsaṅgasya svaprāpakatvam uktvā, kevalena hi bhāvenetyādinā mukhyabhakteḥ, tasmāttvamityanena prapatteśca kathanena bhaktastvayyupayujyeta kīdṛśī saṅgirāhatetyasyottaramāha | tataḥ śrīmaduddhavasaṃśayā'napagame vedasvarūpaṃ pratīyamānaṃ vedārthaṃ, hitvā mayi samādhatsva mano madbhāvabhāvitamiti siddhāntayitvā punaḥ praśnānurodhena yogaṃ tatsiddhīrvibhūtīrbhaktijanakaṃ varṇāśramadharmaṃ coktvā ūnaviṃśe jñāninaṃ jñānaṃ ca praśasya tasyāpi bhaktyaṅgatvaṃ bodhayan, tasmājjñānena sahitaṃ jñātvā mātmānamuddhava oṃ jñānavijñānasampanno bhajaṃ māṃ bhaktibhāvita iti siddhāntamuktvā punarjñānabhaktyoḥ praśne jñānottaratvena mokṣadharmānuktvā, bhaktiyogaḥ puraivokta ityanena praśnaṃ pūrayitvā punarbhāktakāraṇāni vadan, evaṃ dharmairmanuṣyāṇāmuddhavātmanivedinām oṃ mayi saṃjāyate bhaktiḥ ko'nyo'rtho'syāvaśiṣyata ityāha | punaḥ prāsaṅgikaṃ parihṛtya viṃśaikāviṃśābhyāṃ svasya vedārtharūpatvamuktvā punaḥ prāsaṅgikaṃ praśnānurodhi cānyadapi bahūtūktvā'ñjasā siddhayarthaṃ pūrvoktasya sugopyasya sādhanabhūtān dharmān uktavonātriṃśa upasaṃjahāra | sugopyatamaṃ tu pūrvamevoktamiti mukhyādhikāritvāva punastatrovāceti tatra tātparyamuhyam