Bhaktimartanda p37.4

p37.4

prathamaskandhe'pi samādhibhāṣāyāṃ, bhaktiyogena manasi samyakpraṇihite'male oṃ apaśyat puruṣaṃ pūrṇaṃ māyāṃ ca tadupāśrayām || yayā saṃmohito jīva ātmānaṃ triguṇātmakam | paro'pi manute'narthaṃ tatkṛtaṃ cābhipadyate || anarthopaśamaṃ sākṣādbhaktiyogamadho'kṣaje | lokasyājānato vyāsaścakre sātvatasaṃhitāmityatrāpi brahmavidāpnoti paraṃ, tarati śokamātmavit, ātmalābhānna paraṃ vidyate, tameva viditvaḥ'timṛtyumeti nānyaḥ panthā vidyate'yanāyetyādiśrutisahasrairmokṣasādhanatvaṃ jñāne niścīyate | tathā, bhaktyā māmabhijānāti tato māṃ tattvato jñātvā viśate tadanantaramityādismṛtisahasrairbhakterjñāna evopakṣayo niścīyate | ata eva jñānī tvātmaiva me mata iti stutirapi saṅgacchate| tathāca naikayopaniṣacchaṅkharāsarvāsāmanādaro yukta iti || kiñca jīvo brahmaṇā'tyantamabhinnaḥ| ajñānarūpopādhikṛta eva, paraṃ bhedo bhāsate| taccāvidyākhyamajñānaṃ jñānenaiva nivarttanīyaṃ, na tu vijātīyabhaktyeti | tathācāvidyānivṛttermokṣatvāttatsādhakaḥ kuto'pi bhaktivivekaprayojaka iti