Bhaktimartanda p37.3

p37.3

sakalairapi tat paraṃ brahmaitadyo dhyāyati rasati bhajati so'mṛto bhavati, nāyamātmā pravacanenetyādiśrutiṣu mokṣasādhanatvaṃ śrūyate | tathā sneho bhaktiritiproktastayā muktirna cānyatheti pañcarātre ca tatsaṃsthasyā'mṛtatvopadeśāt|tathā śrīgītāyāṃ ca, bhaktyā tvananyayā śakya ahamevaṃvidho'rjuna oṃ jñātuṃ draṣṭuṃ ca tattvena praveṣṭuṃ ca parantapa || matkarmakṛnmatparamo madbhaktaḥ saṅgavarjitaḥ | nirvairaḥ sarvabhūteṣu yaḥ samāmeti pāṇḍaveti | bhaktyā'hamekayā grāhyā ityādiṣu | evaṃ bhaktiyoga iti adhyāyanāma | śrībhāgavate ekādaśaskandhe, tasmāttvamuddhavotsṛjya codanāṃ praticodanām oṃ pravṛttaṃ ca nivṛttaṃ ca śrotavyaṃ śrutameva ca || māmekameva śaraṇamātmānaṃ sarvadehinām|yāhi sarvātmabhāvena yāsyase hyakutobhayamityatra | kevalana hi bhāvena gopyo gāvo nagā mṛgāḥ oṃ ye'nye mūḍhadhiyo nāgāḥ siddhā māmīyurañjasetyatra ca | bhaktiyogaḥ puraivoktaḥ prīyamāṇāya te'nagheti | tathā tṛtīyaskandhe | bhaktiyogo bahuvidho mārgairbhāmini bhāvyate iti | daśame ca bhramaragītasya saṃdeśe | mayyāveśya manaḥ kṛtsnaṃ vimuktāśeṣavṛtti yat oṃ anusmarantyo māṃ nityamacirānmāmupaiṣyatheti | tathā, yā mayā krīḍatā rātryāṃ vane'smin vraja āsthitāḥ oṃ alabdharāsāḥ kalyāṇyo māpurmadvīryacintayeti ca | yuvāṃ māṃ putrabhāvena brahmabhāvena cāsakṛt oṃ cintayantau kṛtasnehau yāsyethe madgatiṃ parāmityatra ca | diṣṭyā gṛhaiśvarya'sakṛnmayi tvayā kṛtānuvṛttirbhavamocanīkhalaiḥ oṃ suduṣkarā'sau sutarāṃ śiśostathā hyasumbharāyā nikṛtiñjuṣaḥ striyā ityatrāpi ca |