Bhaktimartanda p45.2

p45.2

bhagavān bhajanāṃ mukundo muktiṃ dadāti karhicit sma na bhaktiyogamiti vākyāt | naca sarvadā dānaṃ śaṅkyam | kṛṣirutkṛṣṭavacano ṇaśca sadd‍bhaktivācakaḥ| atrāpi dātṛvacanastena kṛṣṇaṃ vidurbudhā iti vākye dānasyāpyuktatvāt | tathācāsanugrahe dadātīti vākyāvirodhena siddhayati | evaṃ sati tādṛśabhajanānandavyavadhāyakaṃ svātmatvena jñānaṃ bhagavatā na sampādyate | sa vai naiva reme, tasmādekākī na ramate sadvitīyamaicchadityādiśruti bhyo mukhyabhaktimārgasya krīḍārthatvāvagamācca bhede ca krīḍāsambhā vāt | ayamartho, na prayojanavattvāditi sūtreṇa pūrvamāptakāmatvaśrāvaṇāt sṛṣṭikaraṇaṃ viruddhamityākṣipya, lokavattu līlākaivalyamiti sūtreṇa pūrvapakṣanirāsapūrvakaṃ loke yatheśvaro līlāṃ karoti tatra na tadatiriktaṃ prayojanāntaraṃ tadvadatrāpīti samādhāya līlāsvarūpamuktam | kaivalyamiti | svarūpātiriktasattvāpyuktam | idaṃ vaktavyaṃ phalaprakaraṇe | svātmatvena jñānaṃ hi, yatratvasya sarvamātmaivābhavat tat kena kaṃ paśyeditiśruterbhedāvilāpakatvena bhajanānandāntarāyabhūtaṃ yadi svātmatvena jñānaṃ sampādayed bhajanānandaṃ na dadyāt | kaivalyena tasyānyathābhāvāttasmāt svātmatvena jñānaṃ bhaktimārgīyasya pūrṇadaśāyāṃ na sambhavati| madhyavācakasya evaṃ bādhakatvādū antareṇavyayasyārtha uktaḥ| tatra dṛṣṭāntaḥ| bhūtagrāmavaditi| brahmānandānubhave putrapaśvādivadbhajanāndānubhave svātmatvena jñānaṃ bādhakam | svātmano bhaktasya | tasyaiṣa ātmā vṛṇute tanūṃ svāmiti śruteḥ | nanu svātmatvena jñānaṃ na bādhakam |