Bhaktimartanda p49.4

p49.4

atha pāpe'pi śravaṇādirūpā, tannāśa eva premarūpeti viśeṣo vibhāvyeta so'pi premavatāmapyakrūrādīnāṃ bhagavatā saha maṇiprasaṅge kāpaṭhyadarśanānna sādhīyāniti śaṅkā nirastā | maryādāyāṃ hi śravaṇādibhiḥ pāpakṣaye premotpattistato muktiḥ | puṣṭimārgāṅgīkṛtestu atyanugrahasādhyatvena tatra pāpāderapratibandhakatvācchravaṇādirūpā premarūpā ca yugapat paurvāparyeṇa vā vaiparītyena vā bhavati | atra śravaṇādikamapi phalarūpameva | snehena kriyamāṇatvānna vidhiviṣaya iti na pāpanāśakatvam | anugraheṇa pāpakṣayastu, svapādamūlaṃ bhajataḥ priyasya tyaktānyabhāvasya hariḥ pareśaḥ vikarma yaccotpatitaṃ kathañcid dhunoti sarvaṃ hṛdi sanniviṣṭa iti vākyāt | vikarma prāktanaṃ tadduḥkhamiti svayaṃ ca haririti dhunoti| uktaviśeṣaṇaviśiṣṭasya svayaṃ vikarmakṛtya'sambhavāt sāṃsargikaṃ matto bhūtaṃ mayā kṛtamitivadvā yatkṛtaṃ vikarma tatkathāñcadutpatitamityucyate | tyaktānyabhāvatvena bhagavatsevāvyāsaṅgenendrakulanāthāstu, yadyapi bhaktimārgā maryādādibhedairbahudhā prapañcitāḥ kapiladevaiḥ, bhaktiyogo bahuvidho mārgairbhāgini bhāvyata ityādinā| tathaiva ekādaśe yogeśvarairbhaktabhedakathanena bhaktibhedā uktā eva | tathāpi śrīmadācāryaiḥ- bhaktimārgasya kathanāt puṣṭirastīti niścaya iti yaduktaṃ, tasya ayamabhiprāyaḥ | kapiladevādyuktaprakāre ṣu śuddhapuṣṭilakṣaṇābhāvāñna tattvaṃ, kintu māhātmyajñānapūrvastu sudṛḍhaḥ sarvato'dhikaḥ sneho bhaktiriti proktastayā muktirna cānyatheti pañcarātroktalakṣaṇā | māhātmyajñānaṃ na lakṣaṇapraviṣṭam |