Bhaktimartanda p49.3

p49.3

tasmādevaṃvicchānto dānta uparatastitikṣuḥ śraddhāvitto bhūtvā''tmanyevātmānaṃ paśyediti śrutiḥ sādhanāntaramapyāha | evaṃ śrutivirodhe kimādaraṇīyamiti saṃśaye sādhanāntaravidhirevādaraṇīyo'nyathā śāstravaiyarthyaṃ syāditi pūrvapakṣaḥ | siddhāntastu-sahakāryantaravidhiḥ, pakṣeṇa maryādāpakṣeṇocyate | puṣṭau tu nānyāpekṣeti | anyacca, sādhanaṃ khalu kāyikaṃ vācikaṃ mānasaṃ ca vidhīyate | tatra tṛtīyaṃ, manasaivānudraṣṭavyamiti śrutermukhyam | tadapi tāvadeva vidheyatvena karttavyam | maryādikasyāpi yāvat sneho na bhavati tatastṛtīyaṃ tadgato vidhyādivat | taddvataḥ snehavatastūktaṃ tṛtīyaṃ sādhanamapi vidhyādivat | vidhiśca tadādiśca vidhyādī vidhyarthavādā tadvat | tathāca pitrādau sahajasnehavato yathā tatsevāvidhitatphalabodhakārthavādau na tatpravṛttiprayojakau | svata eva pravṛtteḥ | tathā bhagavatprāptyarthamidaṃ śamādikaṃ svabhāvādeva sambhavatīti na tadarthaṃ vākyāpekṣā | tena puṣṭimārge varaṇameva sādhanamiti | ata eva, pradānavaddeva taduktamisadhikaraṇe varaṇajanyasya, sa evādhastādisādinā sāmopaniṣadi śrāvitasya sarvātmabhāvasya sādhanāsādhyatvaṃ pradānavadevetyaṃśenoktvā taduktamityanena pramāṇamuktam| tacca, nāyamātmeti śrutiḥ| etena, nanuśravaṇādirūpā premarūpā ca bhaktiraviśeṣeṇa pāpakṣayaevodetyuta kaścidviśeṣo'sti ? tatrādhunikānāmapi bhaktānāṃ duḥkhadarśanācchravaṇādeḥ pāpanāśakatvaśravaṇādvā'viśeṣapakṣastu saṅgataḥ |