Bhaktimartanda p57.6

p57.6

anyathā nijamakhavihatikupi tada śarātamakṛtāśānisārāsārāvasannanijavrajajanā'vanāya vāmakarakamalanakhā'granihitaśikharivaragovarddhanācale śrīgokulanāthe vihatākharvagarvaśakrasurabhimabhṛtiviracitamahābhiṣekasamayasamanubhūtatve'pi govindanāmāgre bhāvi pūtanāvupayaḥpānānantaraṃ svaprāṇebhyo'pyativallabhe bījanyāsaṃ kurvatyo vrajavaravadhvaḥ, krīḍantaṃ pātu govinda iti, guṇagāne ca, govindaveṇumanumattamayūranṛtyamiti kathaṃ vadeyuḥ | tena yatkarmaviśiṣṭasya yasya rūpasya yannāma tatkarmaviśiṣṭaṃ tadrūpaṃ nityameva | loke paraṃ teṣāṃ teṣāṃ bhaktānāṃtattadrasānubhavārthaṃ krameṇāvirbhāvaḥ kasyāpyaṃśasya, kasyacidācchādanamityevaṃ mantavyam | tena bhagavān govarddhanamuddharan sarvadā varttata iti govarddhanoddharaṇadhīra iti kriyānāmabhyāṃ sahito govarddhanoddharaṇarūpaḥ sadā varttate | ata evādyāpi bhaktānāṃ tathā'nubhavaḥ kvacit| tathā pratikṛtau bhajanaṃ, tathā smaraṇaṃ ca | anyathā tvatathābhajane pramādaḥ | evaṃ sati rūpe nāmāvaśyakatvena tatkarmānurūpanāmāpi nityameveti nopacāraśaṅkāgandhaleśo'pi | nāmavad rūpasyāpi guṇakarmānurūpatvenoktatvena tatrāpi naupacārikamattvaśaṅkā tathā nāmanyapīti buddhayasva | guṇakarmaṇāmapi nityatvapratipādanāyaiva guṇakarmānurūpāṇītyapyuktamiti jñāpyate | anyathā, kuru dvijātisaṃskāramiti prārthitatvena nāmakaraṇarūpasaṃskāramātrasyaiva kartavyatve sati nāmnāṃ rūpāṇāṃ ca tatrāpi guṇakarmānurūpāṇāṃ vartamānatvaṃ na nirūpayet | prayojanābhāvāt |