Bhaktihamsa 2.11.1

2.11.1

)
ityādivākyaiḥ tatsādhanatvaṃ jñeyam
śraddhāmṛtakathāyāṃ me śaśvanmadanukīrtanam
pariniṣṭhā ca pūjāyāṃ stutibhiḥ stavanaṃ mama || (bhāga0 11|19|20)
ādaraḥ paricaryāyāṃ sarvāṅgairabhivandanam
madbhaktapūjābhyadhikā sarvabhūteṣu manmatiḥ || (bhāga0 11|19|21)
madartheṣvaṅgaceṣṭā ca vacasā madguṇeraṇam
mayyarpaṇaṃ ca manasaḥ sarvakāmavivarjanam || (bhāga0 11|19|22)
madarthe'rthaparityāgo bhogasya ca sukhasya ca
iṣṭaṃ dattaṃ hutaṃ japtaṃ madarthaṃ yad vrataṃ tapaḥ || (bhāga0 11|19|23)
“atroktaikādaśīyasandarbhe ātmanivedanapūrvakameva śraddhādīnāṃ kathanāttatpūrvakakathāśraddhā,
nirantarakīrttanaṃ, pūjāniṣṭhā, stutikaraṇakastavanaṃ, paricaryādaraḥ, sāṣṭāṅgapraṇāmaḥ,
bhakteṣvadhikapūjā, sarvabhūteṣu bhagavadbhāvaḥ, bhagavadarthaṃ laukikī kriyā, laukikagāthayā
bhagavadguṇakathanaṃ gānaṃ ca, bhagavati mano'rpaṇaṃ, sarvakāmatyagiḥ, bhagavadbhajanārthaṃ
tadvirodhināmarthabhogasukhānāṃ tyāgaḥ, iṣṭadattahutajaptādīnāṃ vaidikānāṃ vratatapaādīnāṃ
smārttānāṃ ca bhagavadarthatvamityeteṣāṃ karaṇaṃ maryādāmaktirityarthaḥ|” (śrīpuruṣottamapraṇītavivekaḥ, pṛṣṭha 52)
evaṃ dharmairmanuṣyāṇāmuddhavātmanivedinām
mayi sañjāyate bhaktiḥ ko'nyo'rtho'syāvaśiṣyate || (bhāga011|19|24)
“kiñca | atra dvividhāyā api dīkṣāyā anuktatvāt, 'kathayiṣyāmi' iti
pratijñānācca svakṛtopadeśapakṣa eva bhagavato'bhipreta iti jñāyate | tathā sati
'evaṃ dharmaiḥ……' (bhāga0 11|19|24) iti vākyagataṃ 'mayi' iti padaṃ pūrvārddhe'pi
yujyamānaṃ kṛṣṇa eva bhagavati sampradāyarītikātmanivedanopadeśaṃ gamayati| gāruḍe tu,