Prabhanjana 3.1

3.1

śrīvallabhakulotpannānāmudayaṃ dṛṣṭverṣyayā pratapyamānena kenacidyatiṃmanyena kṛtasya śuddhādvaitamārttaṇḍavidvanmaṇḍanayoḥ khaṇḍanābhāsasyādau
tadanuyāyinā kenacit kṛtāyāṃ prastāvanāyāmāsītkaścidityārabhya
prārthaye paramātmānamityantena tadutpattistasya saṃnyāsāśramaparigrahaprakāro granthakaraṇe hetustatpraśaṃsā ca pratipāditāḥ
tatra ca prāyeṇānyonyaṃ viruddhāni vākyānthantarapratipādakānīva lakṣyante || tathā hi-kātyāyanīkāntakṛpāpātre'napatyatāprataptacettattvaṃ viruddham || hetuṃ vinaiva paraduḥkhaprahāṇecchā kṛpā || sā
cetsamarthasyeśvarasya yadviṣayikā jātā tatra duḥkhaṃ sarvathaiva na
saṃbhavati || atha prārabdhakarmaṇo jñānenāpyavināśyatvena prabalatvāttajjanyaduḥkhavāraṇe kātyāyanīkāntasyāpyasāmarthyam dayālorasamarthasya duḥkhāyaiva dayālutatyucyate cedīdṛśaṃ duḥkhaṃ karmmandinā
nivāritamityapi viruddham || yadyapyapūrve kasmiṃścidrikṣau tādṛśasāmarthyaṃ saṃbhāvitaṃ tathāpi kurukṣetranivāsini śiṣyābhilāṣiṇi svarūpānandābhidhe lokairdṛṣṭaguṇe'saṃbhāvitameva
kiñcāyaṃ saṃnyāsāśramaparigrahaprakāro'pi varṇāśramadharmapraṇetṛbhirmanuyājñavalkyādibhiradarśito'pūrva eva tatpradarśitaprakāraviruddhaśca
tathā coktaṃ yājñavalkyena 'vanādgṛhādvā kṛtveṣṭiṃ sārvavedasadakṣiṇām || prājāpatyāṃ tadante tānagnīnāropya cātmani