Prabhanjana 4.3.1

4.3.1

yadi śaptāḥ kīdṛśā iti kasyacijijñāsā syāditthaṃbhūtāḥ śaptā
jñeyā ityuttaraṃ vā bhavettadā lakṣaṇaparatvaṃ tādṛśaprakaraṇasya syāt
tasmāllakṣaṇaparatvaṃ tādṛśānāṃ varṇayan pratārakaevetyavadheyam || svakapolakalpanayāpi teṣāṃ lakṣaṇatvaṃ na saṃbhavati || ativyāptyādidoṣagrastādyā dityucyate || lakṣaṇacatuṣṭayaṃ tu pūrve nirastam
pañcamalakṣaṇaṃ mithyādhītasāmācāratvaṃ || tadapi na saṃbhavati || tatra
mithyaiva adhītaḥ samācāroyairiti vigrahaḥ || tadbhāvastattvam || mithyā
śabdobhavanmate'nirvacanīyavacanaḥ || ataeva bhavadīyairmithyātvaṃsadsatvānadhikaraṇatvamanirvacanīyatvam || taddhi kimasatvaviśiṣṭasatvābhāvaḥ || utasatvātyantābhāvāsatvātyantābhāvarūpaṃ dharmadvayaṃ || satvātyantābhāvavatve satyasatvātyantābhāvarūpaṃ viśiṣṭaṃ veti vikalpatrayamudbhāvya tacca siddhasādhanasādhyavaikalyādidoṣairdūpayitvā naivamityādinā
satvātyantābhāvāsatvātyantābhāvarūpadharmadvayaeva nirbharaḥ kṛtaḥ
evaṃcasādṛśārthaṃ tyaktvā śaṅkarānabhimatetyarthaṃ kurvato'pasiddhāntaḥ