Prabhanjana 4.3.5

4.3.5

mithyājñānapralāpitvaṃ śaktānāṃ ṣaṣṭhaṃ lakṣaṇamuktaṃ tadapi lakṣaṇābhāsaeva || doṣaduṣṭatvāt || kathamiticecchṛṇu || mithyāpadasya śaṅkarānabhimataparatvaṃ varṇayatastava pūrvoktayuktyāḥ nigṛhītatvasaṃpādakatvenetyavehi
anyepi doṣādyairduṣṭatvaṃ lakṣaṇasya tepyucyante || śaṅkarānabhimatasya
pramāṇādiṣoḍaśapadārthatattvajñānasya mokṣahetutvena pratipādake gautametivyāptiḥ || nahi śaśāñca gautamenorvyāmiti vadatastava gotamasyāpi
vipraśastatvamabhimatam || gautameneti tṛtīyayā tasya kartṛtvāvagamāt
kiṃca svasvāmiśaktyoḥ svarūpopalabdhihetuḥ saṃyogaiti yogasūtrasya
bhāṣye “puruṣaḥ svāmīdṛśyenasvenadarśanāthaisaṃyuktaḥ tasmātsaṃyogādṛśyasyopalabdhiryāṃsabhogaḥ yātu draṣṭuḥsvarūpopalabdhiḥsopavarga” ityādinā śaṅkarānabhimatatādṛśajñānapratipādakeṣu vyāseṣvativyāptiśca
evaṃ dharmaviśeṣaprasūtāddravyaguṇa karmasāmānyaviśeṣasamavāyānāṃpadārthānāṃ sādharmyavaidharmyābhyāṃtattvajñānānniḥśreyasamityādinā padārthatattvajñānasya mokṣahetutvaṃ vadati kaṇabhujyativyāptiḥ || kiṃca tattaduktajñānādhyetari tattajjñānamalāpini tvayyativyāptirdurvāraiva
viṣṇoḥ samyagasamyagvā''śrayaṇaṃ tadapi śaktānāṃ lakṣaṇamuktaṃ tadapi
na lakṣaṇam || atra samyagāśritatvamasamyagāśritatvaṃ pratyekaṃ lakṣaṇaṃ
militaṃ vā || nādyaḥ || samyagāśriteṣvatibhakteṣu nāradoddhavasanakādiṣvativyāpteḥ || nahi tatra śaktatvasaṃbhāvatamapi yeneṣṭāpattiṃ kuryāḥ
asamyagāśrayaṇaṃ cānyadevatābhaktānāmeva saṃbhavati || yepyanyadevatā