Prabhanjana 5.2.3

5.2.3

karmāṇi vividhāni ca || svadharme na tu rucinaica brāhmaṇānāṃ prajāyate || kuśīlacaryāpākhaṇḍairvṛthārūpaiḥ samāvṛtāḥ || vinindanti hṛṣīkeśaṃ brāhmaṇāṃśca brahmavādinaḥ || vedabāhyavratācārā durācārā vṛthāśramāḥ || tamasāviṣṭamanaso vaiḍālavratikādhamā ityā divākyānāṃ paryālocanayā dhanārjanādinirateṣu śāntidāntyādisvadharmarucihīneṣu phalājanakakāṣāyavastradhāraṇaśikhāsūtravarjanādinā vṛthārūpadhareṣubrahmavādibrāhmaṇanindakeṣu
svāśramadharmonācaraṇena niṣphalībhūtāśrameṣu vāmamārgīyamāraṇoccāṭanavidveṣaṇādyanekaphaladarśakeṣu keṣucidubhayabhraṣṭeṣveva tādṛśaprakāraṇoktasarvadharmasaṃpanneṣu mohanasāmarthyamavadhāryate natu mokṣarūpaphalapradarśakeṣvasmāsu || asmaddarśitamokṣarūpaphalasyaikatvena tatra phalānīti
bahuvacanasyānupapannatvāt
purāṇānāṃ tāmasatvenā'nādeyatvaṃ rājasatvena sāttvikattvena vā''deyatvamityatrāpi nāgraho'smākaṃ sarveṣāmeva purāṇānāṃ vyāsapraṇītatvena
samatvāt || purāṇanyāyamīmāṃsādharmaśāstrāṅgamiśritāḥ || vedāḥ sthānānyidyānāṃdharmasyacacaturdaśeti yājñavalkyavākyācca sarveṣāṃdharmasthānatvabodhanāt || nanu sarveṣāṃ purāṇānāṃ samatvena tulyabalatayā tattatpurāṇasthaparasparaviruddhavākyaiḥ satpratipakṣavatparasparapratibaddhakāryaiḥ
pramitireva na syādubhayatrāprāmāṇyajñānātsaṃśayovā syāditicenna
kalpabhedena virodhaparihārasya sarvatraiva saṃbhavāt || ata eva nacavaiṣṇavagrantheṣvityārabhyastutyalābhādityantovākyanicayaḥ svakalpitapūrvapakṣasamādhānarūpaunmattapralapitatulyonādeyaḥ || satikuḍyecitramiti nyāyādityalaṃ pallavena