Advaitamoda 26.9-2

26.9-2

)
ityatrāpi māyāśabdasyāyamevārthaḥ| prahlādasya dehaṃ rakṣatā''śugāminā tena viṣṇucakreṇa śambaradaityapreritaṃ māyāsahasramekaikāṃśena nāśitamityarthaḥ | mithyārtho jñānabādhyo'pi śastreṇa cchedyo bhavatyeva| śastradhāriṇā kenacitpuruṣeṇa rajjvāṃ rajjubuddhyā sarpabuddhyā vā chidyamānāyāṃ dūrastho bhrāntaḥ puruṣaḥ sarpaścichanna ityeva jānāti
kiṃ ca yāvanna jñānodaya stāvanmithyārthavināśo mithyābhūtena śastreṇa jāyamāno
dṛśyate| svapnasthaṃ kāṣṭhaṃ svapnasthaparaśunā chidyamānaṃ svapne dṛśyata eva| etena 'indro
māyābhiḥ pururūpa īyate (bṛ02|5|19) ityatrāpi vicitrāḥ śaktayo'bhidhīyante
ata eva hi bhūri tvaṣṭreha rājatītyucyate| na hi mithyābhūtaḥ kaścidvirājate' (śrībhā0
pṛ0 102 pa0 17) ityapāstam | mithyābhūtā api svāpnā hastyaśvādayo'laṃkṛtā virājamānāḥ svapne sarvairapyanubhūyante | 'asmānmāyī sṛjate viśvametattasmiṃścānyo māyayā saṃniruddhaḥ' ( śve0 4