Advaitamoda 4.2.2

4.2.2

buddhipratibimbitaṃ caitanyaṃ jīvaḥ | vivaraṇakārāstvīśvaraviṣaya ābhāsavādaṃ
jīvaviṣaye ca pratibimbavādaṃ manyānā ajñānopahitaṃ bimbacaitanyamīśvaraḥ
antaḥkaraṇatatsaṃskārāvacchinnājñānapratibimbitaṃ caitanyaṃ jīva ityāhuḥ | etadvivaraṇakāramate dharmiṇaḥ pratibimbasya nādhyāsaḥ | kiṃ tvajñānapratibimbite'nadhyasta eva dharmiṇi jīve brahmabhedarūpasya dharmasyādhyāsaḥ | nanu tarhi prativimbabhūtajīvasvarūpasya dharmiṇo'nadhyastatve tasya satyatvaṃ syāditi cediṣṭāpattiḥ
paraṃtu tatsatyatvaṃ bimbarūpeṇaiva na tu pratibimbarūpeṇa | pratibimbasya bimbavyatiriktena rūpeṇa satyatvādarśanāt| yathā ghaṭasya na ghaṭarūpeṇa satyatvaṃ kiṃtu mṛdrūpeṇaiva
tadvat | bhāratītīrthāstvajñāne dharmiṇaḥ pratibimbasyaivādhyāsaḥ| brahmabhedādikamapi sarvaṃ tatrādhyastameva | evaṃ ca jāṃvasvarūpasya mithyātvamityūcuḥ
atra yeṣāṃ mate'vidyayā saṃyuktaṃ caitanyaṃ jīvaḥ sa ca tatrāvacchinna upahitaḥ
prativimvito vā teṣāṃ mate jīvāvasthāyāmapi jīvaikatvam| avidyāyā ekatvāt | ayamekajīvavādaḥ | sukhaduḥkhādivaicitryaṃ copādhibhedāt | yeṣāṃ tu mate vyaṣṭyavidyayā'vidyākāryabhūtabuddhyā vā saṃyuktaṃ caitanyaṃ jīvaḥ sa
ca tatrāvacchinna upahitaḥ prativimbito vā teṣāṃ
mate jīvanānātvam | ayaṃ jīvanānātvavādaḥ | atra vācaspatimiśrāṇāṃ mate
jīvaikatvam | vārtikakārāṇāṃ vivaraṇakārāṇāṃ saṃkṣepaśārīrakakārāṇāṃ ca mate
jīvanānātvamiti
jīvaikatvānekatvavicāraḥ